نانى مشرف
الجنس : عدد الرسائل : 593 جنسيتك : مصرى المنتدى : تاريخ التسجيل : 22/03/2009
| موضوع: عدم الثقه والانطوائيه.... الثلاثاء 09 مارس 2010, 7:41 pm | |
| السلام عليكم ورحمه الله وبركاته
الثقه والانطوائيه
الثقه شئ جميل جدا خصوصا لما نثق في حد عزيز علينا وقريب منا وناتمنه علي كل خصوصيتنا وكل امورنا واسرارنا........
بس المشكله ان فيه نوع معين من الناس بيطلق عليهم ~~الانطوائيين~~ يعني افراد من الناس بيكونو منعزلين علي حالهم مش بيكلمو حد مش بيثقو في حد صعب انهم يكونو اجتماعيين ويتكلمو مع الناس وسعات الانطوائه والبعد عن الناس بتخليهم يوصلو لدرجه المرض والجنون كمان وبتحتاج للعلاج
والثقه عندهم تقريبا بتكون معدومه بالاخرين المشكله ان الناس الانطوائيه لو حصل ووثقو في شخص وده طبعا قليل جدا جدا نادر بيثقو فيه بعد مده طويله جدا لو حسو انو يستحق الثقه دي وانو غي كل الناس قرب منهم ووثق فيهم وللاسف بتكون ثقتهم عمياء وبتكون ثقه ذياده عن اللزوم لان احتمال طبعا ان الشخص ده مايكونش اهل للثقه دي. السبب انهم بيثقو الثقه دي كلها بدون اي نقاشات انهم بيحسو بالامان مع الشخص ده او محتاجين للثقه لان بيكون عندهم وحده وفراغ تقريبا,وطبعا عدم وجود اصحاب او اي قريب يثقو فيه .
لاكن لما يلاقو الشخص ده اللي وثقو فيه ودي بتحصل مره في العمر يعني بيدولو كل الثقه اللي عمرهم مادوها لحد خالص. بس المشكله ان الناس لما بتشوف الانطوائيين دول بيبعدو عنهم مش بيكلموهم بيحسسوهم بعدم الثقه وهما اساسا حسين بعدم الامان وبيتمسكو بيه بطريقه فظيعه واحتمال الشخص ده يمل او ينزعج من التمسك ده لانه غريب من نوعه
والكارثه الكبيره انو لما يطلع الشخص اللي وثقو فيه مابيثقش فيهم ويحسسهم بعدم الثقه وعدم الامان وده طبعا بعد مايحسسهم بالعكس يعني مره واحده يرجعهم للي كانو فيه الانطوائيه وعدم الثقه بالناس والبعد عن المجتمع وسعات لما الشخص ده يبعد عنهم لعدم الثقه فيهم بيحاولو ينشئو خيال ان الشخص ده مازال موجود بالرغم من انو بعد عنهم خلاص لعدم الثقه فيهم او لاي سبب من الاسباب او يتخيلو شخص مش موجود اساسا ويحاولو يجسدوه في خيالهم يتكلمو معاه ويردو علي نفسهم.
الناس بتفتكر ان ده جنون بس الدكاتره فسرو ده العكس تماما ان الاانسان المنطوي بيحاول انو يخلق جو حواليه عشان يعرف يعيش لان الناس بتبعد عنه بالتدريج بيلاقي نفسه وحيد ومعزول فبيكون رد فعل طبيعي انو ينطوي وينعزل عنهم زي ماهما عملو معاه
وبتوصل لدرجه ان لو حد حاول يرجعه لطبيعته ويفهمه ان الي كان بيثق فيه خلاص سابه وان دي مجرد مخيلته مش بيصدق ووحدته وعزلته بتذيد.
وطبعا كلنا سمعنا عن مرض التوحد بس دي حاله اكبرجدا وبتكون سببها ممكن صدمه كبيره زي الانطوائيه بس التوحد مرض ممكن مايتعالجش خالص اما الانطوائيه حاله نفسيه وعصبيه ممكن التعالج منها بس اثرها بيفضل موجود في نفسيه الانسان
سؤالي
لو كنت/ي انطوائي/ة ووثقت في حد والحد ده اتخلا عنك بعد ماطلعك من العزله اللي كنت فيها وحسسك بالامان وهكذا هتعمل/ي ايه؟
هترجع/ي تاني للعزله اللي كنت/ي فيها؟
ولا هتكمل/ي حياتك عادي وتحاول/ي تطلع من العزله؟
ولو حاولت/ي تطلع من العزله هتعمل/ي ايه؟
مع ان الناس بيبعدو عنك ومش بيحاولو يطلعوك من عزلتك والانطوائيه اللي انت فيها مع انهم هما السبب في العزله اللي انت فيها
وياترا الانطوائيين مفروض نبعد عنهم ومنكلمهمش ولا نقرب منهم ونحاول نطلعهم من اللي هما فيه حتي لو احنه مش بنحبهم نحاول اننا نطلعهم من عزلتهم؟
اتمني من كل اللي يدخل يرد علي الاسئله ويفكر الاول قبل الاجابه
مع العلم ان محدش هيحس بالانطوائيين غير هما بس بس مجرد سؤال يعني اكيد الكل هيحط نفسه في مكان الانطوائي ويحاول يحس بيهم
| |
|
خالدية.خالدية مشرف
الجنس : عدد الرسائل : 1523 العمر : 43 تاريخ الميلاد : 10/10/1980 جنسيتك : جزائرى المنتدى : تاريخ التسجيل : 21/08/2009
| موضوع: رد: عدم الثقه والانطوائيه.... الأربعاء 10 مارس 2010, 9:16 pm | |
| فى بعض الامراض الفسية تعالج بالصدمات....وتخلي الشخص لوثق فيه حيكون بنسبة له علاج ....وسيعود للحياته احسن ممكان.......شكرا اختى موضوع رائع | |
|